O escritor galego Anxo Angueira impartirá na Casa de Galicia en Madrid un relatorio sobre a vida e a obra de Rosalía de Castro. Coincidindo co Día internacional do Libro, o presidente da Fundación Rosalía pretende achegar ao público madrileño a figura dunha das escritoras máis importantes das letras galegas.

Será o mércores 23 de abril ás 19,30h. na sala Emilia Pardo Bazán da Casa de Galicia en Madrid, con entrada libre ata completar a capacidade da mesma.